ესპანური გამოცემების ინფორმაციით, ვინიციუს ჟუნიორი სეზონის ბოლოს კლუბს იჯარის წესით დატოვებს...

ეს გადაწყვეტილება ზინედინ ზიდანს ეკუთვნის. ფრანგი სპეციალისტი თვლის, რომ ვინის მუდმივი სათამაშო პრაქტიკა ესაჭიროება, სხვაგვარად კი იმ შედეგს ვერ მიაღწევს, რაც პოტენციალიც აქვს.

მადრიდში არსებული არანორმალური კონკურენციის ფონზე, ვინი მუდმივად ვერ თამაშობს.

აღსანიშნავია, რომ ვინიციუსის დამატება ცოტა ხნის წინ „ვალიადოლიდს“ სურდა, მის მიმართ ინტერესს „მილანიც“ გამოთქვამდა და არ არის გამორიცხული, შეთანხმება შედგეს.

ამასთანავე Defensacentral იუწყება, რომ თავად ბრაზილიელს მადრიდში დარჩენა სურს და თვლის, რომ დედაქალაქშიც შეუძლია პროგრესის ჩვენება.