ზინედინ ზიდანმა „გალათასარაისთან“ მატჩის შემდეგ პრესკონფერენცია გამართა...

„ძალიან კარგი თამაში იყო. პირველივე წუთებიდან აგრესიული ფეხბურთი ვაჩვენეთ. მიუხედავად იმისა, რომ „გალათასარაის“ მომენტები ჰქონდა, მადრიდული გუნდი ფავორიტის სტატუსით სარგებლობდა და დომინანტიც იყო. 3-4 ბურთიანი სხვაობით გამარჯვება შეგვეძლო.“

„მთავარი ისაა, რომ კონცენტრაცია არ დავკარგეთ და სარისკო ანგარიშის მიუხედავად ბოლომდე ვუტევდით.“

„ვნახოთ, რა გადაწყვეტილებას მივიღებ როდრიგოსთან დაკავშირებით. დღევანდელ საღამოს ის შეუდარებელი იყო, როგორც წინა ხაზში, ასევე დაცვაში. სადაც არ უნდა გაგეხედა, ყველგან ბრაზილიელი იმყოფებოდა, მან ბევრი ირბინა და კმაყოფილი ვარ.“

„ანალოგიურის თქმა შემიძლია ფედე ვალვერდეზე, მან სოლიდური ფეხბურთი ითამაშა.“

„იმ ფონზე, რომ 3 დღეში ერთხელ თამაში გვიწევს, შანსს ყველა მიიღებს.“

„არ ვდარდობ იმაზე, რომ აზარმა ვერ გაიტანა, მაგრამ ხარიხა მართლაც საოცრება იყო, ამას მოხერხება უნდოდა. ეს იმიტომ არ მითქვამს, რომ თქვენ ამდენი იცინოთ.“

„კურტუამ 2-ჯერ გვიხსნა გატანილი გოლისგან, ბელგიელმა კიპერმა ერთ-ერთი საუკეთესო მატჩი ჩაატარა.“

„ბენზემა ყველგან არის, ის გუნდურ სულისკვეთებას იზიარებს.“