მადრიდის "რეალის" მომავალი მეტოქე პრიმერა დივიზიონში, პამპლონური "ოსასუნა" იქნება.

უნდა აღინიშნოს, რომ ამ გუნდების დაპირისპირება, რომელიც "სანტიაგო ბერნაბეუზე" იმართება, უმრავლეს შემთხვევაში მადრიდელი ფეხბურთელების წარმატებით მთავრდება."წითლები" ესპანეთის დედაქალაქში სულ 31-ჯერ ჩამოვიდნენ სათამაშოდ, საიდანაც 24 შემთხვევაში დამწუხრებულები, 5 შემთხვევაში ნახევრად დამწუხრებულები, ხოლო 2 შემთხვევაში უაღრესად გახარებულნი წავიდნენ.

რაც შეეხება ბურთების შეფარდებას, "ბერნაბეუზე" ჩატარებული "რეალი"-"ოსასუნას" შეხვედრებში, ამ კომპონენტშიც მასპინძლები სასტიკად ჯაბნიან თავიანთ მოწინააღმდეს.კონკრეტულად, "თეთრებმა" 85 გოლი გაიტანეს, ხოლო 25 მიიღეს საკუთარ კარში (31 დაპირისპირებიდან "რეალმა" 15-ჯერ შეძლო კარის მშრალად შენახვა, ხოლო "ოსასუნამ" 3-ჯერ).

აქვე მინდა გასული სეზონის მატჩი გავიხსენო, სადაც მადრიდელებმა რამოსის, იგუაინისა და რობენის გოლების წყალობით, 3-1 სძლიეს მეტოქეს.

"ბლანკოსის" ფეხბურთელები ეცდებიან შინაურ კედლებში გამარჯვებების კოლოსალური რაოდენობის დაგროვებას და ამასთანავე სეზონის ბოლოს რეკორდული, 98 ქულისათვის თავის მოყრას.