რონალდოს სჯერა, რომ ორივეს, მას და მადრიდის რეალს ერთნაირად ეზიზღებათ წაგება.

don balon-თან ინტერვიუში კრისტიანომ განაცხადა, რომ თუ რეალი ვერ აიღებს ამ სეზონში ლა ლიგის თასს მისთვის ეს წელი, მაინც არ იქნება დაკარგული.ის ამბობს, რომ ბარსელონა ამ სეზონში უკეთესი იყო.

"მე მოხარული ვარ იმითი, რასაც მივაღწიე ინდივიდუალურად, მაგრამ არა იმითი რასაც მივაღწიე კოლექტიურად, რადგან ჩვენ გამოვვარდით ჩემპიონთა ლიგიდან და სამეფო თასიდან. ჩვენ ვნახავთ, რაც მოხდება ლა ლიგაზე და მსოფლიო თასზე."

"ჩემთვის ტიტულის არ მოგება არ ნიშნავს წლის ჩავარდნას, თუმცა მაინც მჯერა, რომ ჩვენ შეგვიძლია ლა ლიგის მოგება"

კრისტიანო რონალდოს და მადრიდის რეალს აგრეთვე ახასიათებთ მოგების ჟინი "მე დარწმუნებული ვარ, რომ მე და მადრიდის რეალი ერთი და იგივე პიროვნებები ვართ."

"წაგების მერე მე, როცა მივდივარ სახლში ხანდახან არავის ველაპარაკები,არც დედაჩემს, არც ჩემს ოჯახს. ზოგჯერ მიტირია კიდეც წაგების შემდეგ."

შეკითხვაზე მწვრთნელის შესაძლო შეცვლაზე კრისტიანო რონალდომ თავდაჭერილად უპასუხა, თუმცა შეკითხვისთვის თავი არ აურიდებია.უეინ რუნიზე საუბრისას, რომელიც მოხვდა მადრიდის რეალის თვალთახედვის არეში, კრისტიანომ უარყო მისი შესაძლო მოსვლა გუნდში "ის კარგად გრძნობს თავს ინგლისში. მე მისი კარგი მეგობარი ვარ და მე არ ვიცი ის აპირებს თუ არა მოსვლას რეალში."

როცა მისი მოსაზრება იკითხეს ინტერის მწვრთნელ ჟოზე მაურინიოზე, რომელსაც რონალდო იცნობს და ძალიან მოსწონს როგორც თავისი საქმის პროფესიონალი, მან თავისი აზრი კვლავ დაადასტურა, თუმცა ასევე თქვა, რომ ის კმაყოფილია პელეგრინის მუშაობით. "მე მაურინიოს ვიცნობ ძალიან კარგად და ის არის შესანიშნავი მწვრთნელი. თუმცა ჩემი მწვრთნელი არის პელეგრინი და ჩვენ ერთმანეთს ადვილად ვუგებთ. არავინ იცის, რას მოიტანს მომავალი."

ბოლოს რონალდო ბარსელონასაც შეეხო, რომელიც არის მისი გუნდის კონკურენტი ლა ლიგაში. მან თქვა: "ბარსა საუკეთესოა დღეს." და დაამატა ლიონელ მესიზე "ის არის შესანიშნავი მოთამაშე, რომლის გვერდზეც ფანტასტიური მოთამაშეები არიან. გუნდი მას ბევრ რამეში ეხმარება."

წყარო: goal.com