8 სექტემბერი სერხიო რამოსისა და „რეალის“ ისტორიაში საკმაოდ მნიშვნელოვანი თარიღია...

სწორედ აღნიშნულ თარიღში, 2005 წელს ესპანელი ფეხბურთელი პირველად წარდგა მადრიდული აუდიტორიის წინაშე.

დღეს 14 წელი გავიდა მას შემდეგ, რაც სერხიო „ბლანკოსის“ მაისური პირველად მოირგო.

ამ ხნის განმავლობაში რამოსმა 609 მატჩი გამართა და გამართული დაპირისპირებების კომპონენტში მხოლოდ რაულს, კასილიასს, სანჩისს და სანტილიანას ჩამორჩება.

საუკეთესო მაჩვენებელი რაულს აქვს. ესპანელმა ლეგენდამ კლუბში 741 დაპირისპირება გამართა და ეჭვი არავის ეპარება, რომ მომდევნო 3 სეზონის განმავლობაში რამოსი ამ შედეგს გაიმეორებს.

ასევე აღსანიშნავია, რომ სერხიოს ანგარიშზე 20 ტიტული ფიქსირდება, მათ შორის არის ჩემპიონთა ლიგის 4 თასი, რომლის მოგებაშიც კაპიტანს უდიდესი წვლილი აქვს შეტანილი.