ზიდანი:„ორშაბათს ბევრი რამ შეიძლება მოხდეს“
ზინედინ ზიდანმა „ვილიარეალთან“ მატჩის წინ პრესკონფერენცია გამართა...
„თქვენთან შეხვედრა მსურს ლუის ენრიკეს ტრაგედიით დავიწყო და ესპანელ ლეგენდას მივუსამძიმრო მომხდარი ტრაგედია. მსურს, გამოვხატო დიდი სიყვარული და პატივისცემა ლუის ენრიკეს და მისი ოჯახის მიმართ, რომელმაც უდიდესი დანაკლისი განიცადა.“
„კვირის განმავლობაში ძალიან კარგად მოვემზადეთ და შესანიშნავი გრძნობები გვქონდა, რომელიც ხვალ მოედანზე უნდა გადავიტანოთ. ამ მატჩს ისე მივუდგებით, როგორც საბოლოოს, ვინაიდან ამ ეტაპზე უდიდეს მნიშვნელობას იძენს.“
„ნებისმიერი მწვრთნელი ახლავე მოაწერდა ხელს „ბლანკოსთან“ ხელშეკრულებას, ვინაიდან ეს საუკეთესო გუნდია. კმაყოფილი ვარ, იმ ფეხბურთელების, რომლებიც ახლა ჩემს რიგებში ირიცხებიან. ტრანსფერებზე საუბარი არ მსურს, 2 სექტემბრამდე აბსოლუტურად არაფერია გამორიცხული.“
„პრეზიდენტ პერესთან შესანიშნავი ურთიერთობა მაქვს. ის არის ადამიანი, რომელმაც ფეხბურთელის რანგში მომიყვანა კლუბში და შესანიშნავი წლები მაჩუქა, ამის შემდეგ კი მწვრთნელის რანგში მომცა შანსი და მეც მაქსიმალურად ვეცადე, რომ გაცემული ავანსები გამემართლებინა. ახლაც ჩემ საყვარელ კლუბთან ერთად ვიმყოფები და ეს სწორედ პერესის დამსახურებაა, რის გამოც დიდ მადლობას ვუხდი და დიდ პატივისცემას გამოვხატავ.“
„აზარი „ვილიარეალთან“ სათამაშოდ მზად არის. ის, რომ ედენი ბელგიის ნაკრებში გამოიძახეს ჩემი განსახილველი საკითხი არ არის. აზარს შეუძლია გაფრინდეს ეროვნულ გუნდში და თავად ნაკრების ექიმმა დასვას დიაგნოზი. ამ ეტაპზე ედენის მოედანზე გასვლა რისკებს შეიცავს.“
„ტრავმირებული ფეხბურთელების გამო ძალიან ვწუხვარ, მაგრამ ფიზ.მომზადების ჯგუფი ყველაფერს აკეთებენ მათ დროულად დასაბრუნებლად. ვეცდებით, არსებული რესურსი ავითვისოთ.“
„კეილორ ნავასი. მის „რეალიდან“ წასვლას არ გამოვრიცხავ, თუმცა „ვილიარეალთან“ მატჩში ჩვენთან ერთად იქნება, ორშაბათს ყველაფერი შეიძლება მოხდეს.“
„ახალი შენაძენი? ახლა იმის თქმა შემიძლია, რომ კეილორის წასვლის შანსი არსებობს, შენაძენებზე კი ვერ გეტყვით, ამას ორშაბათს ვიხილავთ. ახლა მხოლოდ „ვილიარეალთან“ მატჩზე უნდა ვკონცენტრირდეთ.“
„დარწმუნებული ვარ, „პსჟ“-სთან მატჩი ძალიან საინტერესო იქნება. ეს ხომ ჩემპიონთა ლიგის პირველი ტურის დაპირისპირება იქნება. ტომას ტუხელს ძალიან კონკურენტუნარიანი გუნდი ჰყავს.“
- 31 აგვისტო 2019
- 7 812
- 8
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
