„ვალიადოლიდთან“ მატჩი კარიმ ბენზემას ალბათ არასდროს დაავიწყდება...

ფრანგმა ფორვარდმა „რეალის“ მაისურით, ლა ლიგაში საიუბილეო, 150-ე გოლი გაიტანა.

კარიმმა სეზონი კარგ ფორმაში დაიწყო და მეორე ტურის თავზე 2 გოლს მოითვლის.

საკუთარი მაჩვენებლით ბენზემა „რეალის“ ისტორიაში გატანილი გოლების რაოდენობით მეშვიდეა.

ფრანგ თავდამსხმელს ლა ლიგაში 34 გუნდის წინააღმდეგ აქვს გოლი გატანილი, მისი საყვარელი მეტოქე კი „ბილბაო“ გახლავთ. კარიმმა სხვადასხვა დროს ლა ლიგის მატჩებში 11-ჯერ შეარხია ბასკთა კარის ბადე.