მადრიდის „რეალს“ კრისტიან ერიკსენისთვის ბრძოლა არ დაუსრულებია...

თავის მხრივ, „ტოტენჰემმაც“ რამდენიმე ნახევარმცველი შეიძინა და დანიელი ფეხბურთელის გაშვებას თავისუფლად შეძლებს. მეტიც, კრისტიანს მომდევნო სეზონის ბოლოს კონტრაქტი ეწურება და თავისუფალი აგენტის სტატუსს იღებს, რაც ნამდვილად არ შედის დანიელ ლევის გეგმებში.

ვრცელდება ინფორმაცია, რომ ერიკსენი კვლავ „ბლანკოსის“ რადარზეა და 2 სექტემბრამდე პერესი მას აუცილებლად შეიძენს.

რაც უფრო დიდი დრო გადის, ერიკსენის ფასი ეცემა, ვინაიდან კონტრაქტის დასრულებაც ახლოვდება, პერესი კი სწორედ ამ გარემოების გამოყენებას გეგმავს და საბოლოო ჯამში ფეხბურთელის დამატებას 60 მილიონ ევროდ აპირებს, რაც თავისთავად ძალიან სერიოზული დანაზოგი იქნება ბიუჯეტისთვის.