მიუხედავად იმისა, რომ ფრანგი კარიმ ბენზემა იმედებს ვერ ამართლებს და "ბლანკოსში" არც ისე სახარბიელოდ თამაშობს, მის მიმართ ინტერესი არ ცხრება. აღარ ჩამოვუყვები იმ კლუბთა სიას, რომლებიც ინტერესს იჩენენ ახალგაზრდა ტალანტის მიმართ...

ამ გუნდებს კიდევ ერთი გუნდი, იტალიის მილანი შეემატა. როგორც ჩანს სილვიო ბერლუსკონის, ზაფხულის სატრასნფერო ფანჯრის დროს კარიმის შეძენა უნდა. მილანელთა სამწვრთნელო შტაბის განცხადებით, ბენზემა შესანიშნავ პარტნიორობას გაუწევს ბრაზილიელ პატოს და ისინი შექმნიან ახალგაზრდა, მობილურ თავდასხმას, რომლის გაჩერებაც ძალიან რთული იქნება.

როგორც La Gazzetta Dello Sport ავრცელებს, მილანური კლუბი მზად არის ბენზემას სანაცვლოდ 24 მილიონი ევრო გადაიხადოს და ფრანგს 6 წლიანი ხელშეკრულება გაუფორმოს. წლიურ ხელფასთან დაკავშირებით ცნობილი ჯერ-ჯერობით არაფერი გახლავთ, ალბათ იმიტომ, რომ ტრანსფერთან დაკავშირებით მოლაპარაკებები არ შემდგარა.

თავად ფეხბურთელს არ სურს სამეფო კლუბის დატოვება. მისი აზრით მოვა დრო და ის გახდება ესპანური გრანდის ლიდერი.