ესპანური გამოცემები იუწყებიან, რომ ბრაზილიელი ნეიმარი ესპანეთის დედაქალაქში გაემგზავრება და პრეზიდენტ პერესს შეხვდება..

მას შემდეგ, რაც „პსჟ“-მ „რეალს“ ბრაზილიელი ვარსკვლავი თავად შესთავაზა და თანხის გადახდას 2020 წელს დათანხმდა, „ბლანკოსი“ გააქტიურდა.

პერესს აქვს ბრწყინვალე შანსი იმისა, რომ წინახაზელი ახლა დაიმატოს და თანხა 2020 წლის ივლისის თვეში გადაიხადოს.

გავრცელებული ინფორმაციით, პერესი ბრაზილიელ ფეხბურთელს შეხვდება და 6 წლიან კონტრაქტს შესთავაზებს.

იმ შემთხვევაში, თუ ტრანსფერი გაოფიციალურდება, მადრიდის „რეალის“ წინა ხაზში სრული გადატრიალება მოხდება.