თითქმის გადაწყვეტილია, რომ ზაფხულში, მადრიდის "რეალის" რიგებს კრისტოფ მეტცელდერი დატოვებს.

გამოცემა "Bild"-ის ინფორმაციით, გერმანელი ცენტრალური მცველისათვის, თავისივე თანამემამულეები იბრძვიან, თუმცა ვიცით, რომ მეტცეს არც საზღვარგარეთული გუნდებიდან აკლია შემოთავაზებები."დორტმუნდის" ყოფილ მოთამაშეს მიმდინარე წლის 30 ივნისს ეწურება ხელშეკრულება გუნდთან და უკვე ცნობილია, რომ მადრიდული მხარე არ აპირებს კონტრაქტის გაგრძელებას.აქედან გამომდინარე მეტცელდერი ვალდებულია ახალი კლუბის ძიება დაიწყოს.სწორედ ბუნდეს ლიგაში მოასპარეზე "ვოლფსბურგია" ის ერთ-ერთი გუნდი, რომელშიც შესაძლოა ვიხილოთ კრისტოფი.

სამწუხაროდ, სამ წლიანი მადრიდული კარიერის შემდეგ, ფეხბურთელმა ვერაფრით დაამახსოვრა თავი გულშემატკივრებს.უთამაშებლობის ძირითადი მიზეზი ტრავმა და დაცვაში არსებული "ჯანსაღი" კონკურენცია გახლდათ.მიმდინარე სეზონში, კრისტოფმა მხოლოდ და მხოლოდ სამ თამაშში შეძლო მონაწილეობის მიღება.