მადრიდის რეალის საკალათბურთო გუნდის მთავარმა მწვრთნელმა მესინამ გრანადასთნ მატჩის შემდეგ, რომელიც სამეფო კლუბის გამარჯვებით დასრულდა კომენტარი გააკეთა.

"ეს იყო სეზონში ერთ-ერთი ურთულესი მატჩი, თუმცა გუნდმა პროგრესი აჩვენა და ჩვენთვის სასურველი შედეგით დაასრულა. ჩემმა შეგირდებმა მეორე ნახევარში თამაშის გადაწყობა შეძლეს. დაცვაში უფრო ყურადღებით თამაშობდნენ და გააქტიურდნენ შეტევაში. ეს ყველაფერი გუნდის წარმატების საწინდარია."

"მე ძალიან მომეწონა პრიგიონის თამაში, რომელმაც ყველას დაუმტკიცა თავისი კლასი და გუნდის წარმატებულ თამაშს დაუდო სათავე. აგრეთვე გამოსარჩევი იყო მორის ალმონდის თამაში, რომელიც შესანიშნავად ასპარეზობდა დაცვაში და აგრეთვე გუნდისთვის რამოდენიმე გარდამტეხი ქულა მოიპოვა. რაც შეეხება ტომიჩსა და ლავრინოვიჩს, როდესაც ისინი ერთად არიან მოედანზე მათი გაჩერება წარმოუდგენელია და ძალიან დიდ ხიფათს უქმნიან მეტოქეს."