ზინედინ ზიდანმა „არსენალთან“ მატჩის შემდეგ პრესკონფერენცია გამართა...

„პირველ რიგში პრესკონფერენციის დაწყებას მარკო ასენსიოთი მსურს. ესპანელი ყველაზე კარგ ფიზიკურ კონდიციაში იმყოფებოდა, მაგრამ შესაძლოა საქმე სერიოზულ ტრავმასთან გვქონდეს. მატჩის დასრულებისთანავე ესპანელმა ფეხბურთელმა კლინიკაში გადაინაცვლა, სადაც მას დეტალური გამოკვლება ჩაუტარდება. ჯერ კიდევ არ ვკარგავ იმის იმედს, რომ მარკოს ტრავმა სერიოზული არ არის.“

„ბეილის კარგი თამაში? ის მოედანზე გამოჩენისთანავე აქტიურად ასპარეზობდა. მატჩის დასაწყისში ფეხბურთელი დავკარგეთ და 10 ფეხბურთელი 11-ის წინააღმდეგ ისე ვერ ასპარეზობდა, როგორც 10 10-ის წინააღმდეგ. როგორც კი „არსენალს“ მოთამაშე გაუძევეს, ჩვენთვის სივრცეები გაჩნდა და 0:2-იდან 2:2 დავაფიქსირეთ.“

„დიახ, უელსელმა ჩემი გადაწყვეტილებით ითამაშა და ეფექტურიც იყო, მაგრამ გარეთის მიერ გატანილი გოლი არ ნიშნავს იმას, რომ ჩემი პოზიცია შეცვლილია. ამ საკითხთან დაკავშირებით საუბარი აღარ მსურს, ვინაიდან მკაფიოდ დავაფიქსირე ჩემი, როგორც მთავარი მწვრთნელის აზრი კონკრეტულ სიტუაციასთან დაკავშირებით.“

„მარიანოსთან დაკავშირებით ჯერ-ჯერობით ვერაფერს გეტყვით, ის „ბლანკოსთან“ ერთად ვარჯიშობს და უახლოეს მომავალში გაირკვევა, რა ბედი ეწება წინახაზელს.“

„აზარი და ბენზემა ერთმანეთს შესანიშნავად უგებენ, რაც ძალიან მახარებს. ბელგიელი კიდევ უფრო მოუმატებს და გარკვეული ხანის გასვლის შემდეგ კარიმთან შესანიშნავად ითამაშებს.“

„სებალიოსი „არსენალში“? მომდევნო დღეებში დანისთან დაკავშირებით მიღებულ გადაწყვეტილებას გამცნობთ.“

„მარსელომ ბრწყინვალედ ითამაშა, ის განსაკუთრებული ფეხბურთელია და ბრაზილიელის კლასში ეჭვი არასდროს შემიტანია.“