ბეილის აგენტი:„ზიდანი სამარცხვინოდ იქცევა, გაოცებული ვარ“
გარეთ ბეილის აგენტმა, ზინედინ ზიდანს უპასუხა. ფრანგმა სპეციალისტმა განაცხადა, რომ გარეთი აღარ სჭირდება და რაც უფრო მალე დატოვებს უელსელი კლუბს, მით უკეთესი იქნება. ბრიტანელის აგენტი, ჯონათან ბარნეტი ზიზუს განცხადებას გამოეხმაურა და სამარცხვინო უწოდა...
„ეს არის ნამდვილად სამარცხვინო საქციელი. ვფიქრობ, რომ ზიზუს განცხადებამ „რეალის“ ბევრი ქომაგი გააღიზიანა.“
„გარეთი არის ფეხბურთელი, რომელმაც სამეფო კლუბის ტრიუმფალურ სვლაში უდიდესი წვლილი შეიტანა, მის ანგარიშზეა ისტორიული გოლები, საგოლე გადაცემები და უამრავი დასამახსოვრებელი მომენტი.“
„ფეხბურთელებს მეტი დაფასება სჭირდებათ, ბეილის მიმართ ასეთ აგრესიულ დამოკიდებულებას სამეფო კლუბის სხვა ფეხბურთელებშიც მოჰყვება რეაქცია. თუ ბეილს არ აფასებენ, არც სხვას დააფასებენ.“
- 21 ივლისი 2019
- 4 199
- 7