ედენ აზარსა და მადრიდის „რეალს“ შორის საკმაოდ პრინციპულ საკითხზე ვერ ხდება შეთანხმება...

„ბაიერნთან“ მატჩი ახლოვდება, სადაც აზარი დიდი ალბათობით ითამაშებს, მაგრამ ჯერ კიდევ უცნობია მისი მაისურის ნომერი.

„მარკას“ ინფორმაციით, ედენ 23 ნომრიან მაისურს ითხოვს, ვინაიდან 10-იანი ლუკა მოდრიჩია, მადრიდის „რეალს“ კი სხვა პოზიცია აქვს. კლუბში ფიქრობენ, რომ ამ ეტაპზე ოპტიმალური ვარიანტი 7 ნომრიანი მაისური იქნება და არა 23.

7 ნომრის მიღების შემთხვევაში ედენის მაისურები მარკეტინგულად კიდევ უფრო მომგებიანი იქნება.

ასევე ვრცელდება ინფორმაცია, რომ ბელგიელი ფეხბურთელის ნომერი დროებითი იქნება და ის აუცილებლად დაისაკუთრებს 10-იანს, როგორც კი ლუკა მოდრიჩი კოლექტივს დატოვებს, ეს დრო კი ნამდვილად დადგება, ვინაიდან ხორვატს ასაკი ემატება.