ისევ და ისევ ნეიმარი. ბრაზილიელი ფეხბურთელი „პსჟ“-ში არ ვარჯიშობს, ფრანგული კლუბი კი მაქსიმალურად ცდილობს, რომ მოთამაშე სარფიან ფასად გაყიდოს...

ესპანური გამოცემების ინფორმაციით, ნეიმარის „რეალში“ გადასვლის შანსი ძალიან დიდია. „პსჟ“-ს სურს, რომ მოთამაშე, არა კატალონიაში, არამედ მადრიდში გაუშვას.

პარიზელთა პოზიციას არ იზიარებს „ბარსელონა“, რომელიც მზად არის, ფეხბურთელის სანაცვლოდ 110 მილიონი ევრო გადაიხადოს და გარდა ამისა საფრანგეთში კოუტინიო გაუშვას.

„პსჟ“-ს სურს, რომ ნეის სანაცვლოდ 190 მილიონი მიიღოს, რომლის გადახდაზეც პერესი ფიქრობს და „რეალი“ მასთან იმდენად ახლოსაა, როგორც არასდროს. თუ შეთანხმება შედგება, ნეიმარი გახდება „რეალის“ ყველა დროის ყველაზე ძვირადღირებული ფიგურა.