ვრცელდება ინფორმაცია, რომლის მიხედვითაც, მუჰამედ სალაჰსა და იურგენ კლოპს შორის ურთიერთობა უკიდურესად იძაბება და ეგვიპტელი ფეხბურთელი კლუბის დატოვებაზე სერიოზულად ფიქრობს.

ამ ყველაფრის პარალელურად „ლივერპული“ მარკო ასენიოს შეძენაზე აცხადებს პრეტენზიას და მას სწორედ სალაჰის შემცვლელად განიხილავს.

ბრიტანულ გამოცემებზე დაყრდნობით, სალაჰს „რეალში“ გადასვლის შანსიც აქვს იმ შემთხვევაში, თუ კლუბები მოთამაშეთა გაცვლის საკითხს განიხილავენ.

ზიზუ სალაჰით 2 წლის წინაც ინტერესდებოდა, მაგრამ მაშინ გარიგება ვერ შედგა, ახლა კი „რეალს“ ყველაზე დიდი შანსი აქვს, რაც აქამდე ჰქონია.