“ვალენსიას” ფეხბურთელმა და “რეალის” ახალგაზრდული გუნდის ყოფილმა ლიდერმა, ხუან მატამ თავის ერთ-ერთ უკანასკნელ ინტერვიუში მის ყოფილ თანაგუნდელზე, პედრო მოსკერაზე ისაუბრა, რომელსაც რამდენიმე ტურის წინ მთავარ გუნდში ჰქონდა დებიუტი.

“პედრო ჩემი ერთ-ერთი საუკეთესო მეგობარია. ერთმანეთს ბავშვობიდან ვინცობთ და მისი შესაძლებლობები ჩემზე კარგად არავის მოეხსენება. მოსკერა ძალიან შრომისმოყვარე ადამიანია. გამიხარდა, როდესაც მთავარ გუნდში მისი დებიუტის შესახებ შევიტყვე. პედრო “რეალის” სხვა აღსაზრდელებს კარგ მაგალითს აძლევს.”

“მოსკერა ხასიათის სიმტკიცით გამოირჩევა, რის გამოც “კასტილიას” კაპიტნად სრულიად დამსახურებულად ითვლება. დარწმუნებული ვარ, რომ პრიმერა დივიზიონში თავს შესანიშნავად წარმოაჩენს.”

“კასტილიაში” ბევრი მეგობარი დამრჩა. მათ ხშირად ვეხმიანები და ვეუბნები, რომ წარმატების მისაღწევად მუხლჩაუხრელი შრომაა საჭირო. ვიცი, ბევრი ფეხბურთელი “რეალიდან” იმიტომ არ მიდის, რომ მთავარ გუნდში სურთ დამკვიდრება. ეს ურთულესი საქმეა. ჩემი ოცნებაც “ბლანკოსში” ასპარეზობა იყო, თუმცა კარიერული წინსვლისთვის “რეალის” დატოვება მომიხდა. მიუხედავად “სამეფო კლუბისადმი” ჩემი უზომო პატივისცემისა, მიღებულ გადაწყვეტილებას არ ვნანობ, რადგან “ვალენსიამ” დიდი ფეხბურთისკენ გამიხსნა გზა.”

შეგახსენებთ, რომ ხუან მატა “რეალის” ბავშვთა გუნდში 2003-2006 წ.წ. ასპარეზობდა, რის შემდეგაც ერთი სეზონი “კასტილიაში” დაჰყო და “ვალენსიას” შეუერთდა. შარშან ხუანს დებიუტი უკვე ეროვნულ ნაკრებში ჰქონდა, სადაც მის ანგარიშზე 7 მატჩში 3 გატანილი გოლია.

ინფორმაციის წყარო: Defensacentral.Com