მენდი:„ჩემს უკან ბევრი თასია. ვუყურებ და სიამაყით ვივსები“
ფერლან მენდიმ მადრიდის „რეალის“ ოფიციალურ ვებ-გვერდს ინტერვიუ მისცა...
„ოცნება ამიხდა და ძალიან ბედნიერი ვარ. ჩემთვის მსოფლიოს საუკეთესო გუნდში გადმოსვლა ძალიან ბევრს ნიშნავს და ვეცდები, რომ ყველაფერს მივაღწიო. რამდენიმე წელიწადია მარჯვენა მცველის პოზიციაზე ვთამაშობ, იქამდე კი წინა ხაზში ვირჯებოდი და სწორედ ამიტომ გარკვეულ მომენტებში სხვა პოზიციის მორგებაც შემიძლია.“
„მე ბევრი მაქვს დასამტკიცებელი, აქ დიდი კონკურენციაა. ის, რომ გასული 2 სეზონის განმავლობაში საუკეთესო თერთმეტეულში ვხვდებოდი მნიშვნელოვანია, მაგრამ მერწმუნეთ, ახლა ახალ გამოწვევს უნდა ვუპასუხო.“
„მოხარული ვარ, რომ ზინედინ ზიდანთან მუშაობა მომიწევს. ფრანგი სპეციალისტისგან ძალიან ბევრი რამის სწავლა შეიძლება.“
„ახლა ინტერვიუს გაძლევთ და ჩემს უკან საოცარი თასებია. როდესაც მუზეუმში შემოვედი და აქაურობა დავათვალიერე გაოცებული ვიყავი. ვეცდები, რომ ჩემი მადრიდში ყოფნის პერიოდში ძალიან ბევრი ტიტული მოვიგო, ეს ჩემი ოცნებაა.“
„მზად ვარ, ძალიან ბევრი რამ ვისწავლო მარსელოსგან. ის კლუბში დიდი ავტორიტეტით სარგებლობს, ვიცე-კაპიტანი ძალიან ბევრი წლის წინ შეუერთდა სამეფო კლუბის რიგებს და რა თქმა უნდა, კარგად ესმის გუნდის ფილოსოფია და სათამაშო სტილი. მარსელოს რჩევებს დიდი სიამოვნებით მოვისმენ.“
„ვარანთან ერთად ნაკრებში მითამაშია, მას კარგად ვიცნობ და ვეცდები, რომ მისი გამოცდილება კარგად მივიღო. რაფაელთან ერთად ასპარეზობა კარგი იქნება. ბენზემა ? ის „ლიონიდან“ მოვიდა სამეფო კლუბში, მას შემდეგ 10 წელიწადზე მეტი გავიდა, კარიმი აურაცხელ გამოცდილებას ფლობს.“
„ჰალა მადრიდ! მე ყველაფერს გავაკეთებ ამ კლუბისთვის.“
- 21 ივნისი 2019
- 1 258
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
