მადრიდის „რეალის“ ინსტიტუციონალური ურთიერთობების დირექტორი, ემილიო ბუტრაგენიო მიმდინარე კვირაში პოლ პოგბასთან შეხვედრას გეგმავს...

მადრიდის „რეალს“ სურს, რომ დასახოს გეგმა, რომელსაც სისრულეში მოიყვანს და ფრანგი ნახევარმცველი „ბლანკოსის“ წევრი გახდება.

ზინედინ ზიდანს სურს, რომ პოგბამ პრე-სეზონი „მერენგების“ რიგებში დაიწყოს, რათა გუნდთან ადაპტირება დროულად მოახერხოს და სეზონს კარგ ფორმაში შეხვდეს, ამიტომ „რეალი“ ჩქარობს და ტრანსფერის დასრულება 1 ივლისამდე აქვს გადაწყვეტილი.

ბუტრაგენიო და პოგბა განიხილავენ შესაძლო გზებს, რომლითაც მანჩესტერ „იუნაიტედის“ დაყოლიება იქნება შესაძლებელი. ინგლისური მხარე 180 მილიონ ევროს ითხოვს, „რეალი“ კი მხოლოდ 125-ზეა თანახმა.