აზარი:„დიდი მიზნები მაქვს, მადრიდში ბევრი ტიტულის მოსაგებად ჩამოვედი“
ედენ აზარმა „რეალის“ ფეხბურთელის რანგში პირველი პრესკონფერენცია გამართა...
„ჯერ კიდევ ძალიან პატარა ვიყავი, როდესაც „რეალში“ თამაშზე ოცნება დავიწყე. დღეს აქ ვარ და ოპტიმიზმით ვივსები. ძალიან მსურს, რომ სეზონი რაც შეიძლება მალე დაიწყოს. ეჭვი არ მეპარება, ყველაფერი გეგმის მიხედვით წავა და შესანიშნავი სეზონი გამოგვივა.“
„ზინედინ ზიდანი ჩემი კერპია და ამის შესახებ არაერთხელ განმიცხადებია. ძალიან მნიშვნელოვანია, რომ ფრანგი ჩემი მწვრთნელი იქნება, მას დიდ პატივს ვცემ.“
„თუ გინდა მოიგო ტიტულები, უნდა ითამაშო „რეალში“. ჩემი ოცნება მომდევნო წლებში რაც შეიძლება მეტი ტრიუმფის მოგება იქნება, ძალიან მსურს, რომ ამ კლუბთან ერთად მწვერვალები დავიპყრო.“
„„ჩელსიში“ 7 წლის განმავლობაში ვთამაშობდი და კაპიტნის სამკლაური არაერთხელ მოვირგე. ახლა ახალ ეტაპზე ვარ. „რეალის“ ახალწვეული ვარ და ყველაფერი თავიდან იწყება. მსურს, რომ ისეთი კარგი სეზონები მქონდეს „ბლანკოსში“, როგორებიც ლონდონში მქონდა.“
„ლონდონური კარიერა შესანიშნავი ტიტულის დავასრულე, ევროპალიგის მოგებამ დიდი სიხარული მომგვარა.“
„დიახ, ინტერესი შარშანაც არსებობდა, მაგრამ შეთანხმება ვერ შედგა და „რეალში“ გადმოსვლა 1 წლით დავიგვიანე.“
„ლეო მესი? ვიცოდი, რომ ამ შეკითხვას დავისვამდით. მასზე შემიძლია გითხრათ, რომ „ბარსელონას“ ეკუთვნის და ჩემს პრესკონფერენციაზე ამ თემის განხილვის დროს ვერ ვხედავ.“
„თუ მოდრიჩი 10 ნომერს არ დამითმობს, ნამდვილად არ შევქმნი პრობლემას. დანამდვილებით შეიძლება ითქვას, რომ ლუკა კვლავ 10-იანი იქნება, მე კი სხვა ნომერს მოვირგებ. ამას ძალიან დიდ მნიშვნელობას არ ვანიჭებ.“
„დიდი მადლობა ტიბო კურტუას, რომელიც ბევრ რამეში დამეხმარა. ჩემი თანამემამულე მუდმივად მეუბნებოდა, რომ აუცილებლად გადმოვსულიყავი მსოფლიოს საუკეთესო კლუბში.“
„ახალი გამოწვევა მივიღე, მოვხვდი მსოფლიოს საუკეთესო კლუბში და დიახ, ნამდვილად მსურს, რომ მსოფლიოს საუკეთესო ფეხბურთელი გავხდე. ბევრს ვიშრომებ და ვეცდები, რომ საკუთარი თავი მაღალ ხარისხში დაგანახოთ.“
„მომდევნო სეზონს იმედის თვალით ვუყურებ. მჯერა, რომ შემიძლია კარგი ფეხბურთი ვითამაშო.“
„ფლორენტინო პერესს ადრე შევხვდი, მაშინ ლონდონში ვიყავით. პრეზიდენტმა მითხრა, რომ მადრიდში უნდა მეთამაშა. დიდი მადლობა ხელმძღვანელს იმისთვის, რომ ტრანსფერი შედგა.“
- 13 ივნისი 2019
- 17 112
- 8