მადრიდის “რეალის” კაპიტანმა, რაულ გონსალეს ბლანკომ განაცხადა,რომ იგი აპირებს “სამეფო კლუბში”კონტრაქტის ამოწურვამდე დარჩეს.

ბოლო დროს აქტიურად ვრცელდებოდა ჭორები იმის შესახებ, რომ “რეალის” ცოცხალი ლეგენდის მადრიდული კარიერა დასასრულისკენ მიდის და მიმდინარე სეზონის დასრულების შემდეგ, ლეგენდარული 7 ნომერი ამერიკის შეერთებულ შტატებს მიაშურებდა.

“ამჟამად არ ვფიქრობ კლუბის დატოვებაზე. იმედი მაქვს, კონტრაქტის ვადის ამოწურვამდე “რეალში” დავრჩები. ვნახოთ რა მოხდება მიმდინარე სეზონის დასრულების შემდეგ. მსურს განვაგრძო ფეხბურთის თამაში” – ავრცელებს რაულის სიტყვებს მადრიდული AS.

ესპანეთის ჩემპიონატის მიმდინარე გათამაშებაში, რაულმა ძირითად შემადგენლობაში მხოლოდ 8-ჯერ ითამაშა, შეცვლაზე კი 21 მატჩში შევიდა. მის ანგარიშზე მხოლოდ 4 გატანილი გოლია.

ეს ჩემი პირველი სტატია და არ შემეძლო ის რეალის ლეგენდაზე რაულზე არ დამეწერა.