ვინ არის ფერლან მენდი?
ფერლან მენდი, 1995 წელს დაბადებული ფეხბურთელი, რომელმაც ბოლო 2 წლის განმავლობაში არნახული პროგრესი აჩვენა...
მენდი უკვე სამეფო კლუბის წევრია, მაგრამ მადრიდამდე მას „ლიონში“ 2 საუკეთესო სეზონი ჰქონდა, რაც ფრანგებმა დააფასეს კიდეც და ორივე შემთხვევაში წლის საუკეთესო თერთმეტეულში შეიყვანეს.
მენდის მთავარი დადებითი თვისება ორივე ფლანგზე ასპარეზობაა, მას შეუძლია როგორც მარცნივ, ასევე მარჯვნივ თამაში. ფერლანდ განსაკუთრებული ფიზიკური სიძლიერე, სისწრაფე, შესანიშნავი პასი და მოქნილობა აძლევს საშუალებას, რომ საუკეთესო განაპირა მცველად ჩამოყალიბდეს, სწორედ ამიტომ შეაჩერა ყურადღება მასზე ზინედინ ზიდანმა.
აღსანიშნავია, რომ გასულ სეზონში მენდის ანგარიშზე 44 ჩატარებული მატჩია, აქედან 8 ჩემპიონთა ლიგაზე მოდის, ის „ლიონის“ შეუცვლელ წევრად და გუნდის უდავო ლიდერად ითვლებოდა. ასევე აღსანიშნავია, რომ ფერლანმა 3 გოლის გატანაც მოახერხა.
რაც შეეხება ეროვნულ ნაკრებს. მენდის კარგი თამაში არც დიდიე დეშამს გამორჩენია და ის ნაკრებში მიიწვია. მენდის დებიუტი ურუგვაის ნაკრების წინააღმდეგ შედგა.
„ლიონამდე“ მენდი ქვედა ლიგაში თამაშობდა, 2017 წლიდან მოყოლებული კი პროფესიონალურ დონეზე ძალიან პროგრესირებს.
ფერლანს საფრანგეთში ქვეყნის ამომავალ ვარსკვლავად მოიხსენიებენ.
- 13 ივნისი 2019
- 3 072
- 14