მადრიდის რეალის მეცხრე ნომერმა ევროსპორტთან საუბრისას განაცხადა, რომ სურს პელეგრინი გუნდში დარჩეს, აგრეთვე მან განაცხადა, რომ მადრიდის რეალს შეუძლია ლა ლიგას მოგება.

"მე კარგი ურთიერთობა მაქვს იმ ადამიანებთან, რომლებიც მუდამ გამარჯვებისკენ მიისწრაფიან. პელეგრინი სწორედ ასეთია და მოხარული ვარ რომ ის ჩვენი მწვრთნელია, მანუელი დიდ სამსახურს გვიწევს. იგი ერთ-ერთი საუკეთესო მწვრთნელია და ჩვენ ვალდებულნი ვართ პატივი ვცეთ მას. იმედი მაქვს რომ იგი რეალს მომდევნო სეზონშიც გაწვრთნის."

"რაც შეეხება ლა ლიგას დარწმუნებული ვარ სამეფო კლუბი მოახერხებს ამ ტურნირში გამარჯვების მოპოვებას. ჩვენ ბოლომდე უნდა ვიბრძოლოთ, მთელ გუნდს სჯერა, რომ მოგების შანსი გვაქვს და ძალ-ღონეს არ დავიშურებთ მიზნის მისაღწევად."

"დარწმუნებული ვარ რომ მომდევნო 5 მატჩში 15 ქულის დაგროვებას შევძლებთ, ეს კი ლა ლიგას მოგების საწინდარია."