მბაპე ზიდანს თხოვნით მიმართავს
ესპანური გამოცემა „ას“ იუწყება, რომ კილიან მბაპე ზინედინ ზიდანს თხოვნით მიმართავს...
ფრანგ წინახაზელს სამეფო კლუბის რიგებში გადასვლა სურს, მაგრამ ალ ჰელაიფისთან ფონს ვერ გადის, ვინაიდან „პსჟ“-ს მმართველს კილიანი წასვლასთან დაკავშირებით საკითხის გაგონებაც არ სურს. ალ ჰელაიფი სასტიკ უარს აცხადებს მოლაპარაკებების დაწყებაზეც კი.
„ფიფას“ 69-ე კონგრესი, რომელსაც პერესი დაესწრო, ჰელაიფისთვისაც ხელმისაწვდომი იყო. ვრცელდება ინფორმაცია, რომ „რეალი“ კონგრესის შემდეგ ფრანგული კლუბის ხელმძღვანელთან შეხვედრას გეგმავდა, მაგრამ ალ ჰელაიფი „ბლანკოსის“ პრეზიდენტს არ შეხვდა.
მბაპემ საკუთარი შესაძლებლობები ამოწურა, მას არ სურს, პარიზელებთან ურთიერთობა დაეძაბოს, ამიტომ ზინედინ ზიდანს მიმართავს თხოვნით, რომ „რეალის“ პრეზიდენტი და ხელმძღვანელობა გააქტიურდეს, რაც ტრანსფერს უფრო რეალურს გახდის.
კილიანი თვლის, რომ ყველა გზა მოჭრილი არ არის და თუ „რეალი“ ასტრონომიულ თანხას გადაიხდის, ტრანსფერი შესაძლებელი იქნება.
- 7 ივნისი 2019
- 15 839
- 7
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
