ერთ-ერთი ყველაზე პრესტიჟული გამოცემა - AS იუწყება, რომ ლონდონის „ჩელსისა“ და მადრიდის „რეალს“ შორის მოლაპარაკებები წარმატებით დასრულდა და ედენ აზარი „რეალის“ ფეხბურთელია...

ამავე წყაროზე დაყრდნობით, ტრანსფერი 100 მილიონი ევრო დაჯდა, თუმცა მომდევნო სეზონში ჩემპიონთა ლიგის ან ლა ლიგის მოგების შემთხვევაში, ფლორენტინო პერესი პრემიერლიგური კლუბის ბიუჯეტში დამატებით ბონუსს ჩარიცხავს.

ამ ყველაფრის მიუხედავად მადრიდული გუნდის ოფიციალური ვებ-გვერდი - RealMadrid.Com ტრანსფერთან დაკავშირებით ოფიციალურ განცხადებას არ აკეთებს, რაც იმას ნიშნავს, რომ ტრანსფერი 100%-ით დადასტურებული ისევ არ არის.

ესპანური გამოცემები ერთხმად იუწყებიან, რომ დღის ბოლომდე შეთანხმება გაოფიციალურდება.