დანიელ კარვახალმა ძალიან საინტერესო თემებზე ისაუბრა..

„ახლა ნაკრებზე ვფიქრობთ და ვთვლით, რომ ძალიან მნიშვნელოვანია მომდევნო 2 დაპირისპირების მოგება. საკლუბო სეზონის დასრულების შემდეგ დიდი დრო გავიდა და ჩვენც დავისვენეთ.“

„ლუის ენრიკე შესანიშნავი ადამიანი და გენიალური მწვრთნელია. ვიმედოვნებ, მისი პირადი პრობლემა დროულად მოგვარდება.“

„გასული სეზონი ჩემთვის ყველაზე ცუდი იყო. მსგავსი პრეცენდენტები არცერთ სეზონში არ მახსენდება. ზიდანის მოსვლამ მოტივაცია აგვიმაღლა, მაგრამ სიტუაცია უკვე გაფუჭებული გახლდათ.“

„„ბარსას“ რომ ტრიპლეტი მოეგო, დღეს ჩვენ უფრო გაგვაკრიტიკებდნენ, მაგრამ ასე არ მოხდა.“

„იოვიჩი საოცარი ფორვარდია, ის არის დინამიტი, რომელიც მოედანზე ხშირად ფეთქდება ხოლმე და იმედი მაქვს, სერბის გოლები დიდ შედეგებს მოგვიტანს.“

„ზიზუს გადაწყვეტილება დაბრუნებასთან დაკავშირებით ძალიან გაბედული იყო და მას ამის გამოც ვაფასებ.“

„ტრანსფერები? ედენ აზარი ბრწყინვალე იქნება, მაგრამ მისი ტრანსფერი არ დადასტურებულა, ვნახოთ რა მოხდება.“