ვრცელდება ინფორმაცია, რომ მადრიდის „რეალი“ კრისტიან ერიკსენის დასამატებლად მხოლოდ 80 მილიონ ევროს გამოყოფს, დამატებით კი დანი სებალიოსს დათმობს...

ფლორენტინო პერესი ხვდება, რომ „ტოტენჰემის“ პრეზიდენტს დანიელი ფეხბურთელის სანაცვლოდ მაქსიმალური თანხის გამომუშავება სურს, მაგრამ ისიც გასათვალისწინებელია, რომ ერიკსენს 1 წელიწადში კონტრაქტი ეწურება და თავისუფალი აგენტის სტატუსს მიიღებს. ეს ყველაფერი „ბლანკოსს“ მისი უფასოდ დამატების საშუალებას აძლევს, აქედან გამომდინარე, ლონდონელებს ურჩევნიათ ერიკსენი ახლა გაყიდონ და 80 მილიონი ევრო მიიღონ, ვიდრე 1 წელი დაიტოვონ და უფასოდ გაუშვან.