"ბარსელონას" კაპიტანმა, ლიონელ მესიმ, კრიშტიანუ რონალდუს "რეალიდან" წასვლაზე ისაუბრა.

"სეზონის დაწყებისას, ამაზე უკვე ვისაუბრე და მადრიდში ვიღაც გამინაწყენდა. მაგრამ, ეს სიმართლეა.

როგორ შეიძლება გაუშვა ფეხბურთელი, რომელსაც სეზონში 50 გოლი გააქვს? შედეგად, "რეალს" კრიზისი დაეწყო. მაგრამ, მსგავსი კრიზისი ნებისმიერ გუნდს ექნებოდა, რომელსაც კრიშტიანუ დატოვებდა.

რა თქმა უნდა, ლა ლიგას ენატრება ეს ფეხბურთელი, რადგან ტოპ-ფეხბურთელები ტურნირს უფრო ბრძოლისუნარიანს ხდიან. მართალია, კარგი დრო იყო, როდესაც ის აქ თამაშობდა, რადგან წლიდან წლამდე, ორივე საკუთარი თავის გაუმჯობესებაზე ვფიქრობდით. თუმცა, ვფიქრობ, ახლაც ყველაფერი რიგზე მაქვს." - ციტირებს მესის სიტყვებს Marca