კარგი ამბები
კაკა, ალბიოლი, რაული და მეტცელდერი გუნდს დაუბრუნდნენ.
ბრაზილიელი ვარსკვლავი სრულად გამოჯანმრთელდა. როგორც იცით დღეს იგი იუბილარია, გუნდში დაბრუნება კი კაკასთვის საუკეთესო საჩუქარი იყო.
"ელ კაპიტანომ", რაულმა, 12 აპრილს მარჯვენა ფეხის ტრავმა მიიღო და იძულებული გახდა შემადგენლობას ორი-სამი კვირით ჩამოსცილებოდა. რაულ გონსალეს ბლანკომ 2 მატჩი გამოტოვა. დღეს კი იგი უკვე სრული დატვირთვით ემზადება "სარაგოსასთან" მატჩისთვის.
ასევე ორი მცველი, მეტცელდერი და ალბიოლი თავს შესანიშნავად გრძნობენ. გერმანელი მცველი ტკივილებს აღარ გრძნობს და მზადაა შემდეგ მეტოქესთან სათამაშოდ. ასევე გამოჯანმრთელდა ალბიოლიც, თუმცა იგი დისკვალიფიკაციის გამო ლა ლიგის შემდეგ ტურში თამაშს ვერ შეძლებს.
წინა დღეებისგან განსხვავებით, დღეს დარბაზში მხოლოდ ორი ფეხბურთელი ვარჯიშობდა. ესენი არიან დრენტე და პეპე. დანარჩენი ფეხბურთელები კი სრული დატვირთვით ემზადებოდნენ. მადრიდელებმა დიდი დრო დაუთმეს ბურთის კონტროლსა და ზუსტ გადაცემებს. კასილასი, დუდეკი და ადანი კი ტრადიციულად მეკარეების მწვრთნელმა, ხაბიერ მანჩისიდორმა ავარჯიშა.
- 22 აპრილი 2010
- 2 694
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
