ბრაზილიელმა რონალდომ ძალიან საინტერესო ინტერვიუ ჩაწერა...

„მე შემიძლია დავასახელო ფეხბურთელი, რომელსაც ეპოქის შეცვლა შეუძლია. ჩვენს წინაშეა მოთამაშე, რომელიც ლეო მესისა და კრიშტიანო რონალდუს გაუტოლდება. მეტსაც გეტყვით. მე ვფიქრობ, რომ კილიან მბაპეს არგენტინელისა და პორტუგალიელის ოქროს ბურთების სერიის დამხობა შეუძლია. 5 ოქროს ბურთი? 6? 7? გაითვალისწინეთ, რომ მბაპე მხოლოდ 20 წლის არის და არც მესი და არც რონალდუ 20 წლის ასაკში ასეთი ეფექტურები არ იყვნენ.“

„თუ კილიანი „რეალში“ გადავა ის გახდება სამეფო კლუბის ისტორიის ნაწილი და დარწმუნებული ვარ, არაერთ რეკორდს დაამყარებს. ფრანგ წინახაზელს მინიმუმ 15 წლის მანძილზე შეუძლია მოწოდების სიმაღლეზე დგომა და საუკეთესო ფეხბურთელის სტატუსის მორგება.“

„სიჩქარე ნამდვილად არ იქნება ოპტიმალური გამოსავალი, მაგრამ მე ვთვლი, რომ როდესაც „რეალი“ კონტრაქტს გთავაზობს, უარი არ უნდა თქვა.“

„პერესის ნაბიჯები? ფლორენტინო პერესმა იცის, რომ კილიანი სამეფო კლუბის ქომაგია და არც დიდი თანხის გადახდაზე ამბობს უარს. თუ მბაპე „რეალში“ გადავა, ეს იქნება ისტორიული ტრანსფერი, რომელსაც წლების მანძილზე ისაუბრებენ.“

„როდრიგო და ვინიციუსი? დარწმუნებული ვარ, ამ ფეხბურთელებს კიდევ უფრო მეტის შექმნა შეუძლიათ. მე მჯერა, რომ ბრაზილიელი ფეხბურთელები სამეფო კლუბში ფეხს მოიკიდებენ.“