ესპანური გამოცემა „მარკა“, სატრანსფერო ფანჯრის გახსნამდე ერთი კვირით ადრე აცხადებს, რომ ფლორენტინო პერესი სამეფო კლუბის ისტორიაში ყველაზე ძვირადღირებული სატრანსფერო კამპანიის წარმოებას აპირებს...

პირველ რიგში უნდა აღინიშნოს, რომ ამ ყველაფერს განაპირობებს ფეხბურთელთა ფასების გეომეტრიული პროგრესიით ზრდა, სხვა შემთხვევაში, კლუბის მიერ 10 წლის წინ წარმოებული სატრანსფერო პოლიტიკა რეკორდული იქნება.

2009/10 წლების სეზონის წინ ფლორენტინომ რონალდუ, კაკა, ბენზემა, ალონსო და სხვა ვარსკვალავები შეიძინა, თუმცა მაშინ ჯამში 254 მილიონი ევრო დახარჯა. ეს არის ისტორიის რეკორდი, მაგრამ „მარკა“ გვაუწყებს, რომ მომდევნო თვეებში ისტორია შეიცვლება.

კლუბმა უკვე დაიმატა ედერ მილიტაო, ასევე იგეგმება ედენ აზარის, ლუკა იოვიჩის, კრისტიან ერიკსენის, პოგბას, მბაპეს, ნეიმარის და ფერლან მენდის დამატება, თუმცა ცხადია, რომ პერესის ყველა ოცნება ვერ ახდება, განსაკუთრებით ამის თქმა „პსჟ“-ს ლიდერებზე შეიძლება.

საერთო ჯამში „რეალი“ მინიმუმ 300, მაქსიმუმ კი 400 მილიონ ევროს დახარჯავს და გუნდის რესურსს მნიშვნელოვნად გააძლიერებს.

სურათზე შეგიძლიათ იხილოთ სტატისტიკა, რომელიც 21-ე საუკუნეში განხორციელებულ ტრანსფერებში დახარჯულ თანხებს მოიცავს.