ტონი კროოსმა მადრიდის „რეალთან“ შეთანხმებას მიაღწია და დღეს ოფიციალურ კონტრაქტს მოეწერება ხელი. როგორც სჩანს, ზიზუს ახალი პროექტის წარმოება სწორედ გერმანელთან ერთად სურს...

გერმანელმა ფეხბურთელმა „ბლანკოსში“ უკვე 5 სეზონი ჩაატარა და მის ანგარიშზე 12 ტიტულია, მათ შორის არის ჩემპიონთა ლიგის 3 თასი, 4 მსოფლიო საკლუბო ჩემპიონატი, 1 ლა ლიგა, 3 ევროპის სუპერთასი და 1 ესპანეთის სუპერთასი.

ტონის „რეალის“ მაისურით 233 მატჩი აქვს ჩატარებული და მეორე გერმანელია, რომელსაც „ბლანკოსში“ მსგავსი რაოდენობის შეხვედრა აქვს გამართული, ის ლეგენდარულ შტილიკეს ჩამორჩება, მის ანგარიშზე 308 დაპირისპირებაა, თუმცა ეჭვი არავის ეპარება, რომ ამ მაჩვენებელს ტონი გააუმჯობესებს.

233 მატჩიდან კროოსმა ლა ლიგაში 152 გამართა, 56 ჩემპიონთა ლიგაზე, 11 სამეფო თასზე, 7 მსოფლიო საკლუბო ჩემპიონატზე, 3 ევროპის სუპერთასზე და 4 ესპანეთის სუპერთასზე.

ტონის ანგარიშზე „ბლანკოსში“ 46 საგოლე გადაცემაა.