ურუგვაული ფეხბურთის კაშკაშა ვარსკვლავი, ენცო ფრანჩესკოლი, "რეალ მადრიდ სითის" სტუმრობდა.სამეფო გუნდის ოფიციალურმა საიტმა, ლეგენდარული ფეხბურთელი ინტერვიუს გარეშე არ გაუშვა გუნდის სამწვრთნელო ბაზიდან.

- როგორ გამოიყურებოდა გუნდი "ვალენსიას" წინააღმდეგ?
- მადრიდის "რეალმა" კარგი თამაში ჩაატარა კვირას.მათთვის აღნიშნული შეხვედრა მეტად მნიშვნელოვანი იყო, რამეთუ მადრიდელებს კატალონიელთა წაბორძიკებით უნდა ესარგებლათ.გასულმა დაპირისპირებამ ნათელი მოჰფინა იმ ფაქტს, რომ პელეგრინის შეგირდები ფსიქოლოგიურად მომზადებულნი არიან.თამამად შეიძლება ითქვას, რომ დედაქალაქელები სრულ მზადყოფნაში შეხვდებიან დარჩენილ მატჩებს.

- თქვენი აზრით, ჩემპიონატის მიწურულს ფსიქოლოგიური ასპექტი დიდ როლს ითამაშებს?
- პელეგრინიმ გუნდში დიდი სამუშაო ჩაატარა, რის შედეგადაც "რეალი" კვლავ მოწოდების სიმაღლეზე დგას."ბარსელონაზე" დიდი ზეწოლა მიმდინარეობს.კატალონიელებმა "კლასიკოში" გამარჯვების შემდეგ ჩათვალეს რომ მიმდინარე გათამაშება მოგებული ჰქონდათ.ამჟამად პრიმერა დივიზიონის სურათი ძალიან წააგავს, 2 ტურის წინ არსებულ სურათს.

- რა უნდა გააკეთოს "რეალმა," რომ სეზონის ბოლოს ტიტული აღმართოს?
- "თეთრების" თავდასხმის ხაზში ბრწყინვალე ფეხბურთელები ბობოქრობენ, გონსალო იგუაინისა და კრიშტიანუ რონალდუს სახით.მინდა აღვნიშნო, რომ ხაბი ალონსოსა და ფერნანდო გაგოს ტანდემი, საკმაოდ დაბანსებულ ნახევარდაცვას ქმნის.მადრიდის "რეალი" დიდი ღირსებების მქონეა.ნიშანდობლივია ის ფაქტიც, რომ მადრიდელები "ვალენსიელებს" თამაშის საშუალებას არ აძლევდნენ.ვგონებ, ბიჭების ასეთი ძალისხმევა ქებას იმსახურებს.

- და თქვენ ფიქრობთ, რომ "ბლანკოსები" პრიმერა დივიზიონს დაეუფლებიან?
- "ბარსელონა" საკმაოდ რთულ მდგომარეობაშია.პეპს დამოძღვრილები ზედიზედ ორ ტურნირზე ასპარეზობენ, რამაც შესაძლოა ფეხბურთელებში დაღლილობა გამოიწვიოს.ჩემპიონთა ლიგის დაძაბული ნახევარფინალების პარალელურად, ლა ლიგაზე მათ ისეთ გუნდებთან მოუწევთ პაექრობა, როგორებიც არიან "ვილიარეალი" და "სევილია."ვფიქრობ, ჩემს მიერ ჩამოთვლილი ფაქტორები მადრიდის "რეალის" წისქვილზე ასხამს წყალს.სამეფო გუნდის ფეხბურთელები ახლა მხოლოდ დარჩენილ ხუთ მატჩზე ფიქრობენ.რაც არ უნდა რთული წარმოსადგენი იყოს, მე მაინც ფსონს "რეალზე" გავაკეთებ.

- როგორ შეაფასებდით მანუელ პელეგრინის მოღვაწეობას?
- მერწმუნეთ, ადვილი არ არის ამ რაოდენობის ახალი ფეხბურთელებით ყველაფრის წესრიგში მოყვანა, თუმცა მანუელმა მიუხედავად ყველაფერისა, დიდი სამუშაოები ჩაატარა მადრიდში.გუნდი უფრო სანდო გახდა და ბევრი ასპექტი გამოასწორა.სამეფო კლუბი გოლის გატანაში და ბურთის ფლობაში ერთ-ერთი საუკეთესოა.

- რომელი მადრიდისტა გაგონებთ თქვენს თავს?
- ნამდვილად არ მიყვარს შედარებების გაკეთება.ვიტყოდი, რომ გონსალო იგუაინი წამაგავს მე.პიპიტას ისე უყვარს თამაშების დასრულება, როგორც მე.