მიუხედავად იმისა, რომ ედენ აზარისა და ლუკა იოვიჩის „რეალში“ ტრანსფერი გადაწყვეტილია, ზინედინ ზიდანი სადიო მანეს არ ივიწყებს...

ფრანგ სპეციალისტს სენეგალელი ფეხბურთელი ძალიან მოსწონს და თვლის, რომ ის მადრიდში ფეხს მოიკიდებს.

ზიდანი მანეს სისწრაფითა და მანევრით განსაკუთრებულად არის მოხიბლული, წინახაზელმა ბოლო 2 სეზონში მართლაც ძალიან დიდი პროგრესი აჩვენა.

თანაც გასათვალისწინებელია სადიოს ასაკი, ის 10 აპრილს 27 წლის გახდა და მინიმუმ 6 წლის განმავლობაში უმაღლეს დონეზე თამაშს შეძლებს.

გავრცელებული ინფორმაციით, ჩემპიონთა ლიგის ფინალის შემდეგ, მადრიდის „რეალი“ მანესთან დაკავშირებით აქტიურ მუშაობას დაიწყებს.