ბენზემა:„რაც დრო გადის, ჩემი და ზიზუს ურთიერთობა კიდევ უფრო ღრმავდება“
კარიმ ბენზემამ „მარკასთან“ საინტერესო საკითხებზე ისაუბრა...
„ზიდანი ჩემი უფროსი ძმაა, მას დიდ პატივს ვცემ და ოჯახის წევრად მივიჩნევ. ჩვენი ურთიერთობა ძალიან დიდი ხნის წინ დაიწყო და რაც დრო გადის კიდევ უფრო ღრმავდება. მიხარია და ძალიან ბედნიერი ვარ, რომ მსოფლიო ფეხბურთის ლეგენდა ნდობას მიცხადებს და ჩემს შესაძლებლობებში დარწმუნებულია. როდესაც გავიგე, რომ ის კლუბში დაბრუნდა ავღფრთოვანდი და მივხვდი, რომ კიდევ ერთ ახალ ეტაპს ვიწყებთ, რომელიც ძალიან დიდ ემოციებთან იქნება დაკავშირებული.“
„მსოფლიოს ისტორიულ და ერთ-ერთ საუკეთესო გუნდის რიგებში ვირიცხები. უკვე 10 წელი გავიდა მას შემდეგ, რაც მადრიდში ჩამოვედი და მას შემდეგ არნახულად დიდი გამოცდილება მივიღე.“
„მეხსიერება? ყველა ტიტული კარგად მახსოვს, რომელიც „რეალში“ მოვიგე, თუმცა „ლა დესიმას“ ვერაფერი დამავიწყებს, მას შემდეგ კი ზედიზედ 3 თასი, რომელმაც ისტორია შეცვალა.“
„ბედნიერი ვარ, რომ კარიერის დასრულების შემდეგ ყოველთვის „ბლანკოსთან“ ვიქნები დაკავშირებული, ვინაიდან კარიერის უმეტესი ნაწილი სწორედ აქ გავატარე. სადაც არ უნდა გადავიდე და რაც არ უნდა გავაკეთო, ჩემი და „რეალის“ ურთიერთობა ისტორიას ყოველთვის დარჩება, ვინაიდან ამ კლუბთან ერთად უდიდესი ეპოქა შევქმენი.“
„არის თუ არა მიმდინარე სეზონი ჩემთვის საუკეთესო? შესაძლოა ბევრი გოლი გავიტანე და გუნდს მნიშვნელოვან მომენტებში დავეხმარე, მაგრამ ვერ ჩავთვლი წელს წარმატებულად მაშინ, როდესაც ტიტულის გარეშე ვრჩები.“
„მსოფლიო ჩემპიონატის ფინალი? მიხაროდა, რომ ჩემი თანაგუნდელი ვარანი ნაკრებს წარმატების მიღწევაში ეხმარებოდა, თუმცა გული მწყდებოდა, რომ მეც იქ არ ვიყავი. სამწუხაროდ, ნაკრებში თამაში დიდი ხნის წინ დავასრულე.“
- 18 მაი 2019
- 1 327
- 6
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
