მას შემდეგ, რაც მადრიდის „რეალმა“ ედერ მილიტაო იყიდა, ნაჩო ფერნანდესის პოზიციები კიდევ უფრო შესუსტდა...

გუნდის დაცვის ცენტრში ვარანი, რამოსი, მილიტაო, ნაჩო და ვალიეხო არიან. ბრაზილიელი კოლექტივს ზაფხულში შეუერთდება და სერხიო რამოსსა და ვარანს დიდ კონკურენციას გაუწევს, რაც პირდაპირ აისახება ნაჩოს სათამაშო დროის შემცირებაზე.

გავრცელებული ინფორმაციით, ფერნანდესს „მილანი“ და „ინტერი“ ეპატიჟება, ორივე გუნდი მზად არის ესპანელს კარგი კონტრაქტი და სტაბილური სათამაშო დრო შესთავაზოს, აქედან გამომდინარე, არ არის გამორიცხული, „ბლანკოსის“ აღზრდილმა ძალები სხვა კლუბშიც მოსინჯოს.