მადრიდის „რეალის“ ოფიციალურმა ვებ-გვერდმა განცხადება გაავრცელა...

მადრიდის „რეალის“ ხელმძღვანელობა სიხარულით გამცნობთ, რომ კლუბსა და მრავალწლიან პარტნიორ „ადიდასს“ შორის ახალი ხელშეკრულება გაფორმდა, რომელსაც ვადა 2028 წლამდე ექნება. ეს არის ისტორიული შეთანხმება, რომელიც სარეკორდოდ ითვლება და ფინანსური თვალსაზრისით ყველაზე მომგებიანი იქნება.

„ადიდასი“ და „რეალი“ 1998 წლიდან მოყოლებული თანამშრომლებენ და 2028 წელს ორივე მხარე საზეიმო 30 წელს დააფიქსირებს.

მას შემდეგ, რაც მადრიდულმა გიგანტმა „ადიდასთან“ პირველად მოაწერა კონტრაქტს ხელი, კლუბმა ჩემპიონთა ლიგის 6 თასი, ასევე 6 მსოფლიო საკლუბო ჩემპიონატი, 4 ევროპის სუპერთასი, 6 ლა ლიგა, 5 ესპანეთის სუპერთასი და 2 სამეფო თასი მოიგო.

მადრიდის „რეალი“ და „ადიდასი“ მომდევნო ათწლეულის განმავლობაშიც იზრუნებენ იმაზე, რომ სამეფო კლუბის სრული ეკიპირება უმაღლესი დონის იყოს და მთელ მსოფლიოში არნახული მასშტაბებით გავრცელდეს.