ბრაზილიელი რიკარდო კაკა უკვე დიდი ხანია ლაზარეთში იმყოფება, იგი ცდილობს ბოლომდე განიკურნოს ტრავმისგან, რომელიც მთელი სეზონის მანზილზე აწუხებდა და ხელს უშლიდა საკუთარი თავის სრულად წარმოჩენაში.

რიკარდომ ბოლო ხანებში მნიშვნელოვანი მატჩები გამოტოვა. იგი გუნდს ვერ დაეხმარა "ელ კლასიკოში" , ასევე ვერ ითამაშა ვალენსიასთან. კაკას დაბრუნება სარაგოსასთან მატჩისთვის იგეგმებოდა, მაგრამ როგორც ჩანს ნახევარმცველი ვერც "არაგონელებთან" შეძლებს თამაშს.

არსებობს იმის რისკიც, რომ ბრაზილიელი რეალს წელს საერთოდ ვეღარ დაეხმაროს. თუმცა სამეფო კლუბის მედიკოსთა შტაბის წარმომადგენლები ყველაფერს აკეთებენ იმისათვის, რომ რაც შეიძლება მალე ჩააყენონ მწყობრში რიკი.

თავად ნახევარმცველი, ოპტიმისტურად არის განწყობილი და აცხადებს, რომ ძალიან სურს რაც შეიძლება მალე დაბრუნება და საკუთარი გუნდის დახმარება.