იგუაინი: გახარებული ვარ
გონსალო იგუაინმა განაცხადა, რომ გახარებულია ვალენსიას კარში გატანილი გოლით და გამარჯვებაში შეტანილი წვლილით...
"ჩემთვის ძალიან სასიამოვნოა გოლის გატანა, მე ამ სეზონში უკვე 25 გოლის გატანა მოვახერხე და პირობას ვდებ, რომ ამ შედეგს კიდევ გავაუმჯობესებ, მე მსურს ესპანეთის პრიმერა დივიზიონის საუკეთესო ბომბარდირის ტიტულის მოპოვება".
"ვალენსიასთან გუნდმა შესანიშნავი მატჩი ჩაატარა და დამსახურებული გამარჯვებაც მოიპოვა. რონალდო გენიალური ფეხბურთელია, მასთან ერთად თამაში ნებისმიერი ფეხბურთელისთვის ძალიან სასიამოვნოა. მე და პორტუგალიელმა შეტევაში იდეალური დუეტი შევქმენით და თითო-თითო გოლის გატანაც მოვახერხეთ "ღამურების" წინააღმდეგ".
"არ შემიძლია არ აღვნიშნო მარსელო, რომელმაც გუშინ კიდევ ერთი საგოლე პასი გაუკეთა კრიშტიანოს. იგი იდეალური ფეხბურთელია და შესანიშნავად ანაწილებს გადაცემებს. მიუხედავად ახალგაზრდული ასაკისა, მარსელო შესანიშნავად ართმევს თავს საკისრებულ მოვალეობას, რაც ძალიან მახარებს. მე და ბრაზილიელს მეგობრული ურთიერთობა გვაქვს ერთმანეთთან".
- 19 აპრილი 2010
- 1 822
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
