„ვილიარეალთან“ დაპირისპირება მარსელო ვიეირასთვის ისტორიული გამოდგა...

ბრაზილიელმა ვიცე-კაპიტანმა ლა ლიგის ეგიდით გამართულ მატჩებში 341-ედ მოირგო სამეფო კლუბის მაისური და ამ მაჩვენებლით კლუბის ინსტიტუციონალური ურთიერთობების დირექტორს, ემილიო ბუტრაგენიოს გაუთანაბრდა.

ვიეირას 238 მოგება, 53 ფრე და 50 მარცხი აქვს დაფიქსირებული.

სიმბოლურია, რომ ისტორიულ დაპირისპირებაში მარსელოს მაისურს კაპიტნის სამკლაური ამშვენებდა.

ბუტრაგენიოს შედეგი

ლეგენდარული ემილიო „რეალის“ ღირსებას 1984-1995 წლებში იცავდა, მან ლა ლიგაში „ბლანკოსის“ მაისურით 341 დაპირისპირებიდან 213 მოიგო, 77 ფრედ დაასრულა და 51 წააგო, მის ანგარიშზე 124 გატანილი გოლია.