ზინედინ ზიდანმა „ხეტაფესთან“ მატჩისწინა პრესკონფერენცია გამართა...

„საკმაოდ რთულ მატჩს ველი. მიმდინარე სეზონში „ხეტაფემ“ არაერთი კარგი მატჩი გამართა და დაამტკიცა, რომ ნებისმიერ მეტოქესთან შეუძლია ბრძოლის გამართვა.“

„რეალმა“ ლა ლიგა დიდი ხნის წინ დათმო, ფავორიტი რა თქმა უნდა „ბარსელონაა“ და ეჭვი არავის ეპარება, რომ თასს კატალონიური კლუბი დაეუფლება. მომდევნო სეზონიდან ესპანეთის ჩემპიონატი ჩვენთვის ძალიან მნიშვნელოვანი გახდება და პრიორიტეტულად ჩავთვლით. ვეცდებით, ყველა მატჩში გამარჯვებაზე ვიფიქროთ და თითოეულ ქულას დიდი მნიშვნელობა მივანიჭოთ.“

„დიახ, ბოლო წლებში ლა ლიგაში „ბარსელონას“ დომინაცია შეიმჩნევა, თუმცა მე მათ და კრიტიკოსებს შევახსენებდი, რომ „ბლანკოსი“ გაცილებით მეტ თასს ფლობს და შიდა ჩემპიონატში უკონკურენტოა.“

„ცვლილებებთან დაკავშირებით ნებისმიერი გუნდის წევრს ეკითხებიან. რატომ? იმიტომ, რომ ცვლილებები ყოველთვის აუცილებელია. ზაფხულში „რეალი“ რამდენიმე ტრანსფერს განახორციელებს და ასევე გიდასტურებთ, რომ კოლექტივს რამდენიმე წევრი დატოვებს.“

„ცვლილებები იქნება, ეს უკვე გითხარით.“

„მეკარეების საკითხი. ამაზე ბევრს ვფიქრობ და გადაწყვეტილებას აუცილებლად მივიღებ.“

„ბენზემა შესანიშნავი ფეხბურთელია, ის „რეალის“ რიგებს დიდი ხნის მანძილზე გაამაგრებს..“

„ვინიციუსი ბრწყინვალე ფეხბურთელია. გამიხარდება, თუ ის ბრაზილიის ნაკრებს დაეხმარება, ეს ყველაფერი დიდი გამოცდილების მიღებასთან იქნება დაკავშირებული.“