ზინედინ ზიდანი მომდევნო სეზონისთვის რამდენიმე გეგმას აყალიბებს, რომლის საფუძველიც ზაფხულში უნდა ჩაიყაროს...

პირველი გეგმის მიხედვით, „ბლანკოსმა“ აზარი და პოგბა უნდა დაიმატოს. ნახევარდაცვაში ტრიოს პოგბა, მოდრიჩი და კროოსი შექმნიან, წინა ხაზს კი ვინიციუსი, აზარი და ბენზემა გაამაგრებენ. ამ გეგმის მინუსი კაზემიროს სათადარიგოთა სკამზე დაჯდომა იქნება, რაც ზიზუს ნამდვილად არ უნდა აწყობდეს.

მეორე ვარიანტის მიხედვით, ზიზუ 4-2-3-1 სისტემას აირჩევს, სადაც საყრდენისა და ჩამშლელის ფუნქციას მოდრიჩი და კროოსი მოირგებენ, პოგბა კი მათ წინ ითამაშებს, ფლანგებიდან ვინიციუსი-აზარის დუეტი დაეხმარებათ, წინ კი კვლაც ბენზემა დადგება.

და ბოლოს. მესამე გეგმა - მადრიდის „რეალი“ პოგბას და იოვიჩს დაიმატებს. ამ შემთხვევაში ნახევარდაცვის ოთხეულს კაზემირო, პოგბა, კროოსი და მოდრიჩი დაიკავებენ, წინა ხაზს კი იოვიჩი-ბენზემას დუეტს ვიხილავთ. ამ შემთხვევაში საქმე გვექნება მძლავრ ნახერდაცვასთან და თავდასხმაში ორ დამრტყმელ ძალასთან.