ზიდანი:„გუნდში დიდი ცვლილებები იქნება“
ზინედინ ზიდანმა „ბილბაოსთან“ მატჩისწინა პრესკონფერენცია გამართა...
„პირველად შემიძლია დადასტურებით გითხრათ, რომ მადრიდის „რეალში“ მომდევნო სეზონში სერიოზული ცვლილებები იქნება. შეიცვლებიან ფეხბურთელები, ხოლო ტაქტიკასა და სათამაშო სქემაზე საუბარს ამ ეტაპზე ზედმეტად მივიჩნევ. დიახ, ჩვენ ვსაჭიროებთ ცვლილებებს და ტრანსფერები ნამდვილად იქნება.“
„ვალიეხო? არ გამოვრიცხავ, მან სეზონის ბოლოს კლუბი დატოვოს, თუმცა ჯერ ჩვენი ფეხბურთელია. ტრავმების გამო ხესუსს პრობლემები ექმნება, როდესაც ის მოედანზეა ძალიან საინტერესო ფიგურად მივიჩნევ.“
„რა თქმა უნდა, მსურს, რომ მადრიდულმა კლუბმა სეზონი ღირსეულად დაასრულოს, მაგრამ მომდევნო სეზონზე ზრუნვა უკვე დავიწყე, ძალიან ბევრი ცვლილება გვჭირდება, „რეალი“ საკუთარ დონეს უნდა დაუბრუნდეს.“
„მეკარეებთან დაკავშირებით ახლა საუბარს არ ვაპირებ. ჩვენ ძლიერი კარის დარაჯები გვყავს, ზაფხულში კი ვნახოთ რა მოხდება.“
„„ბილბაოს“ კარგი გუნდი ჰყავს, თუმცა ჩვენი მიზანი რა თქმა უნდა გამარჯვება იქნება. ამ კოლექტივმა მიმდინარე სეზონში არაერთი კარგი მატჩი გამართა.“
„წლევანდელი სეზონი საუკეთესო ნამდვილად ვერ იქნება, თუმცა არსებული რეალობა უნდა გამოვიყენოთ იმისათვის, რომ შეცდომების გამოსწორებაზე ვიფიქროთ.“
„მარკო ასენსიოს ვენდობი და მისი დიდი იმედი მაქვს. ყველამ კარგად იცის, რომ ესპანელი ძალიან ნიჭიერია და უდიდეს პოტენციალს ფლობს, მის წასვლაზე არ ვფიქრობ.“
„შეუძლებელია გიყვარდეს ფეხბურთი და არ გსურდეს შენს გუნდში მბაპეს ხილვა.“
„ბეილი? ის ხვალინდელ მატჩზე ფიქრობს.“
„ვინიციუსი მომავლის ფეხურთელია, ჩვენ მასთან დაკავშირებით სიფრთხილე გვმართებს. ბრაზილიელი ბოლო ტურებს აუცილებლად ითამაშებს.“
- 20 აპრილი 2019
- 6 954
- 45
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
