მადრიდის "რეალის" მეკარემ, იკერ კასილასმა As-ს ჟურნალისტების კითხვებს უპასუხა.

"წინა ტურში "ალმერია" დავამარცხეთ და მორიგი სამი ქულა მოვიპოვეთ. ამ შეხვედრაში მეტი გოლის გატანა შეგვეძლო, თუმცა დიეგო ალვესმა ამის უფლება არ მოგვცა. ჩვენი მთავარი ამოცანა სწორედ ქულათა მაქსიმუმის დაგროვებაა."

"ჩვენი მომდევო მეტოქე "ვალენსიაა". ამ გუნდს ჰყავს ძალიან სწრაფი, ძლიერი და ნიჭიერი ფეხბურთელები. ისინი როგორც შეტევაში, ასევე დაცვაში, შესანიშნავად თამაშობენ. ჩემი აზრით, თამაში საინტერესო იქნება."

"მე დარწმუნებით ვერ გეტყვით, რომ ყველა შეხვედრას მოვიგებთ, თუმცა პირობას ვდებ, რომ ბოლომდე ვიბრძოლებთ. ლა ლიგის მოგების შანსი გვაქვს. ამ ტიტულის მოგებით ჩვენი ფანების გახარებას მოვახერხებთ."