ზიდანი:„ჩვენ უკვე გავიგეთ, მიდის თუ არა ტონი კროოსი „რეალიდან““
ზიდანმა „ლეგანესთან“ მატჩის წინ პრესკონფერენცია გამართა...
„რამდენიმე დღე გვქონდა იმისათვის, რომ მოვმზადებულიყავით. გუნდმა სრულფასოვანი ვარჯიშები გამართა და კმაყოფილი ვარ. ხვალ „ბლანკოსი“ მოწოდების სიმაღლეზე იდგება.“
„ტონი კროოსს მოულოდნელი პრობლემა შეექმნა, მას გასტროენტერიტი აქვს და ჩვენთან ერთად ვერ იქნება.“
„ბენზემა არამხოლოდ ფორვარდი, ასევე ნახევარმცველი და გარემარბია, ის ყველგან არის, სადაც გუნდს სჭირდება და ამას ვაფასებ.“
„გარეთს ყურადღებით ვაკვირდები, მის წასვლაზე ახლა საუბარი არ შემიძლია, ყველაფერს ზაფხულში ვიხილავთ. ანალოგიურის თქმა შემიძლია მარკოს ლორენტეზეც, რომელმაც აშკარად მოუმატა.“
„მიდის თუ არა კროოსი? პასუხი ცნობილია, გერმანელმა საჯაროდ განაცხადა, რომ „რეალში“ თავს ბედნიერად გრძნობს. ნახევარმცველი ფუნდამენტური მოთამაშეა და გასული 5 წლის განმავლობაში ძალიან დიდი წვლილი შეიტანა მადრიდული კლუბის წარმატებაში.“
„წინ 7 მატჩია. ჩვენ არ ვსაუბრობთ ზაფხულზე, ჩვენ ვსაუბრობთ ლა ლიგის ღირსეულად დასრულებაზე.“
„კრიშტიანო წავიდა და ამით „რეალს“ უდიდესი პრობლემა შეექმნა, ვიმედოვნებ, მსგავსი რამ აღარ განმეორდება და სამეფო კლუბიდან წამყვანი მოთამაშეები აღარ წავლენ.“
„„უეფას“ სუპერლიგა? სიმართლე გითხრათ, არც კონცეფციაზე ვფლობ ინფორმაციას და არც სხვა დეტალებზე, ეს მომავლის ამბავია.“
„ორშაბათს თამაში მართლაც უჩვეულოა, თუმცა მსგავსი პრეცენდენტი არაერთხელ დაფიქსირებულა.“
„ყველა მოთამაშეს სურს მოედანზე გასვლა და თავის გამოჩენა, მაქსიმალურად ვცდილობ, რესურსი გადავანაწილო და შანსი ყველას მივცე.“
„ვინიციუსი დროზე ადრე ბრუნდება, რაც ძალიან სასიხარულოა, მასში უდიდეს პოტენციალს ვხედავ. ლა ლიგის ბოლო ტურებში ბრაზილიელი რამდენჯერმე გამოჩნდება მოედანზე.“
„ისკოს კლასში ეჭვის შეტანა დიდ სისულელედ მიმაჩნია, ესპანელზე არცერთი ევროპული გრანდი არ იტყოდა უარს, ის ძალიან დიდ მასშტაბებს ფლობს.“
- 14 აპრილი 2019
- 7 584
- 30
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
