“როგორც ჩანდა , ისინი შესანიშნავად ატარებდნენ დროს, მთელი საუბრის განმავლობაში იცინოდნენ"–აცხადებს თვითმხილველი ერთ–ერთ გამომცემლობასთან საუბრისას. "მადრიდის რეალის" სუპერ ვარსკვლავი არც მეტი არც ნაკლები კვლავ გოგოს გამო ხვდება ჟურნალ–გაზეთებისა თუ ინტერნეტ გამომცემლობის მთავარ გვერდზე.

მას შემდეგ, რაც "ბარსელონამ" კიდევ ერთხელ მოახერხა "მადრიდის რეალის" დამარცხება "სანტიაგო ბერნაბეუზე" ჟურნალ–გაზეთებიდან პრაქტიკულად გაქრა რონალდუზე სტატიები და ისინი მესის ხოტბის შესხმით იყვნენ დაკავებულნი, რასაც ეს პატარა არგენტინელი ვუნდერკინდი იმსახურებს კიდევაც. შესაბამისად ეტყობა რონალდუ შოკში ჩააგდო ამ ამბავმა და ცხელ–ცხელი რომანები გამოაცხო.

ჯერ იყო და პორტუგალიელი ვარსკვლავი ესპანურმა პრესამ "ბარსელონასთან" თამაშის შემდეგ "მიწასთან გაასწორა", ამას აგერ უკვე პირადი სკანდალიც მოყვა და ეს მაშინ, როცა "მადრიდის რეალის" ფეხბურთელებს ძალიან დიდი კონცენტრაცია ესაჭიროებათ. "ბარსელონასთან" წაგების შემდეგ ტიტულის დაუფლების შანსი "თეთრებისთვის" პრაქტიკულად ნულის ტოლია.

მოკლედ, კრიშტიანო რონალდოს მსხვერპლი (გადატანითი მნიშვნელობით რა თქმა უნდა) ამჟამად ამერიკელი მოდელი და მსახიობი კიმ კარდაშიანი გახდა. რონის გულშემატკივრები დიდის მოთმინებით ელოდნენ თუ რამდენად იყო ეს ჭორი სიმართლესთან ახლოს. სხვადასხვა გამომცემლობებს თუ დავუჯერებთ, წყვილს თვალი მადრიდის ერთ–ერთ ძვირადღირებულ რესტორანში მოკრეს. ასევე დაიწერა იმის შესახებაც, რომ 80 მლნ. ევროიანმა ბიჭუნამ 29 წლის ამერიკელი მოდელი საკუთარ სახლში წაიყვანა, სადაც მათ ერთად ოთხი საათი გაატარეს. ამის შემდეგ კი კარდაშიანი გაემგზავრა აეროპორტში, საიდანაც აშშ–ს მიაშურა.

კიმ კარდაშიანის ამ ისტორიას შემდეგ რამოდენიმე გაგრძელება, ერთგვარი "კუდი" მოყვა. კარდაშიანის პარალელურად ამოტივტივდა რამდენიმე მოდელთა სახელიც. თუ გავრცელებულ ინფორმაციებს დავუჯერებთ, რონალდუს რამენიმე ხნის წინ ურთიერთობა ქონდა 23 წლის მოდელ აკა ნაიასთან.