ბერნდ შუსტერის განცხადებით, „რეალის“ ფეხბურთელების მთავარი პრობლემა მოტივაციის ნაკლებობაა, ამიტომ გუნდმა რამდენიმე ლიდერი უნდა გაუშვას...

„მე ვფიქრობ, რომ ვარანის წასვლა დიდი ტრაგედია არ იქნება. რატომ? იმიტომ, რომ ის ერთ-ერთი მოწინავე ფიგურაა მათთაგანაც, ვინც მოტივაციის ნაკლებობას განიცდის. 4 ჩემპიონთა ლიგა, მსოფლიო ჩემპიონატი, ლა ლიგა, ევროპისა და ესპანეთის სუპერთასები, მსოფლიო საკლუბო ჩემპიონატი და ასე შემდეგ. ვფიქრობ, ფრანგმა ყველაფერი მოიგო და ახლა მისთვის უკეთესი ახალი გამოწვევის მიღება იქნება. რაფა „რეალში“ უმოტივაციოა.“

„რას მიიღებს „რეალი“ ვარანის გაშვებით? ძალიან სოლიდურ თანხას და ასევე შანსს მისცემს ედერ მილიტაოს, რომელიც „პორტუში“ ბრწყინვალედ გამოდის და ძალიან დიდი მოტივაცია აქვს. ის ასპარეზზე ახლახანს გამოჩნდა და ბევრი რამ აქვს დასამტკიცებელი.“