ზიდანი:„ლუკა „რეალის“ საკუთრებაა და რატომ არ უნდა ითამაშოს?“
ზინედინ ზიდანმა „ვალენსიასთან“ მატჩისწინა პრესკონფერენცია გამართა...
„პირველ რიგში აუცილებლად უნდა შევეხო ჩემი შვილის, ლუკა ზიდანის წინა ტურში თამაშს. ის „რეალის“ საკუთრებაა და რატომ არ უნდა ითამაშოს? იმის გამო, რომ ჩემი შვილია მუდამ სათადარიგოთა სკამზე უნდა იჯდეს? ვისაც პრეტენზიები გაქვთ, გეტყვით, რომ თქვენი პოზიცია არ არის მართებული.“
„მომდევნო სეზონში მეკარის საკითხი მოგვარებული იქნება. არანაირი კითხვისნიშანი არ დაისმება.“
„ცვლილებები იქნება. ამას გიდასტურებთ, მაგრამ ახლა გუნდში მყოფ ყველა ფეხბურთელს პატივს ვცემს და ვერ ვიტყვი, ვინ წავა და ვინ დარჩება. ამაზე სასაუბრო დრო აუცილებლად გვექნება და მოდით, ზაფხულში გადავერთოთ ამ საკითხზე.“
„ვეცდები, რომ „ვალენსიასთან“ მოედანზე უძლიერესი გუნდი გავიყვანო. ურთულესი მეტოქე გვყავს, ეს იქნება გამოცდა, რომელიც წარმატებით უნდა ჩავაბაროთ და დავამტკიცოთ, რომ მეტი შეგვიძლია.“
„მე ვარანის წასვლა არ მსურს, მაგრამ თუ ის მსოფლიოს საუკეთესო კლუბის დატოვებას აპირებს, წინ ვერავინ აღუდგება. რაფას კლუბთან მოქმედი კონტრაქტი აკავშირებს, რომელსაც იმედი მაქვს, არ დაარღვევს.“
„როტაცია? ეს აუცილებელი კომპონენტია იმისათვის, რომ წარმატებას მიაღწიო. ცვლილებებს აუცილებლად მივმართავ ხოლმე.“
„მარსელო დიდებული ფეხბურთელია, თუმცა რეგილონის სახით ძალიან ძლიერი კონკურენტი ჰყავს. ესპანელი განაპირა მცველი მოედანზე კიდევ გამოჩნდება.“
„მარსელოს დიდ პატივს ვცემ, ბრაზილიელის კლასი უმაღლესია და მას საუკეთესო მარცხენა მცველად მივიჩნევ.“
„ვერ გეტყვით, რომ ლა ლიგის მოგების იმედი მაქვს, მაგრამ ვეცდები, რომ სეზონი ღირსეულად დავასრულო. „რეალმა“ ტურნირზე გამარჯვებები უნდა განაგრძოს.“
„ის, რომ ბეილს უსტვენენ ძალიან სამწუხაროა. გავიხსენოთ რამდენად დიდი წვლილი აქვს უელსელს კლუბს წარმატებაში შეტანილი. ქომაგების უკმაყოფილება სხვა მეთოდებითაც შეიძლება გამოიხატოს.“
- 2 აპრილი 2019
- 4 180
- 6
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
