ზიდანი:„პოგბა ყველასთვის საოცნებო ფეხბურთელია, მე ის ძალიან მომწონს“
ზინედინ ზიდანმა „უესკასთან“ მატჩისწინა პრესკონფერენცია გამართა...
„კარგი დრო გვქონდა იმისთვის, რომ „უესკასთან“ მატჩისთვის მოვმზადებულიყავით, თუმცა უნდა აღინიშნოს, რომ ნაკრებიდან დაბრუნებული რამდენიმე ფეხბურთელი დაღლილია.“
„გუნდში მნიშვნელოვანი სიახლე გვაქვს. ლუკას ვასკესი 100%-ით მზად არის, დანი კარვახალი კი მომდევნო ტურიდან შემოგვიერთდება, ის ვარჯიშებზე სრული დატვირთვით ირჯება.“
„სერხიო რამოსი დიდებული კაპიტანია. ვულოცავ ესპანელს და ვუსურვებ, რომ წლების მანძილზე დარჩეს სამეფო კლუბში და ღირსეული წინამძღოლის სტატუსი ატაროს. რამოსი მე არ მომბაძავს და კარიერას გაცილებით გვიან დაასრულებს.“
„პასუხი ჟერარ პიკეს? ვწუხვარ, არ ვიცი, რა თქვა კატალონიელმა ფეხბურთელმა.“
„ვარანთან დაკავშირებით მხოლოდ იმას გეტყვით, რომ უკვე 8 წელია „ბლანკოსის“ ღირსებას იცავს და ფენომენალური ნიჭით გამოირჩევა, ის ძალიან კარგი ფეხბურთელია.“
„კურტუა ხვალ არ ითამაშებს, ბელგიელმა დღევანდელ ვარჯიშზე დისკომფორტი იგრძნო და გარისკვას არ ვაპირებთ. სასტარტო წუთებიდან მოედანზე კეილორ ნავასს იხილავთ.“
„პოლ პოგბა შესანიშნავი და ყველასათვის საოცნებო ფეხბურთლია, რა თქმა უნდა ვისურვებდი მის ჩემს გუნდში ხილვას.“
„ცვლილებები აუცილებლად იქნება, მაგრამ ახლა ამ კონფერენციაზე, ამაზე საუბრის დრო არ არის. ჩვენ უნდა ვისაუბროთ „უესკასთან“ დაპირისპირებაზე და არა სხვა გეგმებზე, რომელიც დასახულია.“
„„რეალიდან“ წასვლის გადაწყვეტილება ბევრი ფიქრის შემდეგ მივიღე, მაგრამ ახლა აქ ვარ და მზადყოფნას ვაცხადებ, ახალი გამოწვევა მივიღო.“
„გარეთ ბეილის ტრანსფერი? გიდასტურებთ, მასზე პრეტენზიას არაერთი გრანდი აცხადებს, მაგრამ კიდევ ერთხელ გავიმეორებ, ჩვენი შეხვედრის თემატიკას ნუ ავცდებით.“
„როდრიგო გოეში არნახული ნიჭის პატრონია, ბრაზილიელს დიდ მომავალს უწინასწარმეტყველებენ და მსურს, რომ ის „რეალის“ ლიდერი გახდეს.“
„მე ვფიქრობ, რომ წლევანდელი სეზონი კარიმ ბენზემასთვის ერთ-ერთი საუკეთესოა. ფრანგს ხშირად აკრიტიკებენ, მაგრამ ის ყოველთვის აჩვენებს ხარიხს. დარწმუნებული ვარ, სეზონის ბოლომდე ფორვარდი კიდევ ბევრს გაიტანს.“
„მბაპეს ფასი? როდესაც „რეალში“ გადმოვედი, მაშინ ჩემში გადახდილი თანხა ყველას სიგიჟე ეგონა, ახლა კი მბაპე 4-ჯერ მეტად ფასობს. ფეხბურთში ციფრები ძალიან შეიცვალა.“
„პირობას ვდებ, თუ პოგბა და მბაპე „რეალში“ ითამაშებენ, მე ევროპის ყველაზე ეფექტური გუნდი მეყოლება, მაგრამ მოდით პატივი ვცეთ მანჩესტერ „იუნაიტედს“ და „პსჟ“-ს და სატრანსფერო საკითხებზე საუბრით მაშინ დავკავდეთ, როდესაც სეზონის დასრულდება და გუნდები განახლებაზე გადაერთვებიან.
- 30 მარტი 2019
- 3 490
- 7
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
